KORONABIRUSA

web ofiziala

KORONABIRUSA

web ofiziala

KORONABIRUSA

web ofiziala

 

 

Bigarren errefortzu-dosia 60 urtetik gorakoentzat edo arrisku handiko gaixotasunak dituztenentzat

Urriaren 10ean hasiko da 60 urtetik gorako pertsonen eta arrisku handiko gaixotasunak dituztenen 4. dosiaren txertaketa (errefortzuko 2. dosia), eta gripearen txertoarekin batera jasoko da.

Egun batzuk lehenago, irailaren 26tik aurrera, egoitzetan ospitaleratutako pertsonen txertaketa-kanpainari ekingo zaio, baita 60 urtetik gorako gainerako xede-biztanleriari SMS mezuak bidaltzeari ere, adin handieneko taldeei lehentasuna emanez (80 urtetik gorakoei), haien zitazioa kudeatu ahal izan dezaten. Arrisku handiko gaixotasunak dituzten pertsonak zuzenean jarriko ditu harremanetan Osasun Departamentuak, hitzordua esleitzeko.

Bigarren oroitzapen-dosi honetan COVID-19aren aurka erabiliko diren txertoek orain arte erabili izan direnak baino babes zabalagoa eskaintzen dute; izan ere, balio anitzeko txertoak dira, eraginkorrak koronabirusaren gaixotasunaren aldaera klasikoaren aurrean, bai eta Omicronen eta haren azpi-aldaera nagusien aurrean ere.

TXERTAKETARAKO HITZORDUAK
Txertaketa-kanpainako SMSak irailaren 26tik aurrera hasiko dira jasotzen, adin-tarteen arabera. Hobe da SMSa jaso arte itxarotea norberaren konturako hitzordua eskatu baino lehen. Jaso ezean, hitzordua online eskatzea gomendatzen da, citasalud.navarra.es helbidearen bidez. Bide hau ezin bada erabili, egin daiteke:

  • Posta elektronikoaren bidez: citas.vacunacion@navarra.es.
  • Telefonoz:
    Iruñeko eremua: 948 370 130.
    Tuterako eremua: 948 370 140.
    Lizarrako eremua: 948 370 135.

Zure osasun-zentroan hitzordua eskatuta.


Ez da derrigorrezkoa toki itxietan maskara eramatea

Maskararen erabilera 6 urtetik gorakoentzat | 2022/04/20

Osasun Departamentuak gomendatzen du maskara pertsona kalteberek oro har erabiltzea, eta edozein pertsonak erabiltzea ekitaldi jendetsuetan, aglomerazioetan eta ospakizun familiar edo pribatuetan, pertsona kalteberen bat bertaratzen denean.

 Derrigorrezkoa da:

- Osasun zentro, zerbitzu eta establezimenduetan.

- Zentro soziosanitarioetan, nahitaezkoa da langileentzat une oro eta bisitarientzat eremu partekatu edo komunetan egoterakoan. Egoiliarrentzat eta/edo erabiltzaileentzat ez da derrigorrezkoa.

- Garraiobideetan, aire, tren eta errepide bidezkoetan. Ontzietan ere bai, espazio itxietan, 1,5 metroko distantzia gorde ezin denean, geletan izan ezik, bizikideen artean.

 

 Ez da derrigorrezkoa


- Maskara erabiltzeagatik larriagotu daitekeen gaixotasunen bat edo arnasteko zailtasunen bat duten pertsonentzat, edo desgaitasun- edo mendekotasun-egoeragatik maskara kentzeko autonomiarik ez dutenentzat.

- Jardueren izaeragatik beragatik maskara erabiltzea bateraezina bada, osasun-agintarien jarraibideen arabera.

- Nasetan eta geltokietan.
 


COVID-19a daukat?

Jarraitu ekintza-jarraibideak dagokizun egoeraren arabera

Koronabirusarekin bateragarriak diren sintomak badituzu, kasu positiboa bazara edo COVID-19arekin kutsatutako pertsona baten kontaktu estua bazara, nola jokatu behar duzun jakiteko informazioa duzu hemen.


COVID-19aren aurrean jarduteko protokoloa

 

Osasun Departamentuak bilaketa- eta test-protokoloaren aplikazioa egokitu du; modu horretan, COVID-19aren kasuei dagokienez, sintomak dituzten pertsonak, pertsona ahulenak direnak eta espazio zaurigarrietan (soziosanitarioa besteak beste) lan egiten dutenak detektatu eta zainduko ditu. 

 

Kasu bakoitzean zer egin argi ez baduzu, ondorengo dokumentua irakur dezakezu
Zalantzak Osasun Kontseiluan argituko dira: 948 290 290 eta consejosalud@navarra.es