Miga de pan Inicio

Título Medidas extraordinarias

APARTEKO NEURRIAK COVIDari AURRE EGITEKO

 Gogoan izan maskararen erabilera derrigorrezkoa dela, salbuespenak salbuespen.

Mascarilla

Derrigorrezkoa da Nafarroan maskara erabiltzea. 12 urte baino gehiagokoek nahitaez erabili beharko dute uneoro, pertsonen artean 1,5 metroko segurtasun tartea bermatzen den ala ez kontuan hartu gabe. 

Derrigorrezkoa da, halaber, 6 eta 12 urte bitartekoentzat eskolan eta distantzia mantendu ezin denean, eta gomendagarria 3 eta 5 urte bitartekoentzat. 

Hortaz, bide publikoan, aire zabalean eta publikoari zabaldutako eremu itxietan, une oro erabili behar da maskara, baita edozein garraiobideetan ere, salbu eta barruan doazen guztiak etxe berean bizi baldin badira. 

Salbuetsirik dago maskara erabiltzea honako kasu hauetan:

  • Arnasa hartzeko zailtasunen bat duten pertsonen kasuan, maskararen erabilerak larriagotu dezakeena. Kasu horietan, segurtasun-agenteek hala eskatzen badute, erantzukizunpeko adierazpen hori beteta eta sinatuta erakutsi beharko dute.
  • 1,5 metroko distantzia mantentzea bermatzen denean: 
    • Lantokietan (ez dira salbuetsita geratuko publikoari irekitako eremuak).
    • Elikagaiak eta edariak kontsumitzen diren bitartean, edo maskara erabiltzearekin bateraezinak diren jardueretan.
    • Kirol jarduerak egiten diren bitartean.
    • Bainua hartzen den bitartean, igerilekuetan edo bainurako gaitutako beste toki batzuetan. 
    • Biziguneetatik kanpo egiten diren naturari loturiko jardueretan, hala nola mendi-ibiliak, eskalada, mendi-igoerak, txirrindularitza eta antzekoak.  
  • Ezinbesteko kasuetan. 

Gainera, maskara erabiltzea gomendatzen da pribatuak diren eremu ireki zein itxietan, segurtasun tartea bermatzeko aukera balego ere, familia unitate desberdinetako pertsonak elkartzen direnean. 

Informazio gehiagorako, maskararen derrigortasunaren inguruan eta beste prebentzio neurri bereziei buruzko zalantzak argitzeko dokumentua (PDF, 358 KB).

Deskargatu kartela informazioarekin (JPG, 824 KB)

espacio

 

 

Medidas extraordinarias

NEURRIAK SAILKA

MERKATARITZA ETA OSTALARITZA

  • Tabernak, kafetegiak, jatetxeak, taberna bereziak eta ikuskizunetarako kafetegiak, joku eta bingo aretoak, ziberzentroak, eta kirol-aretoak 01:00ak baino lehen itxi behar dira (00:00etan, bertan behera utzitako jaiegunetan badago herria). Edukiera ezin da % 75etik gorakoa izan eta % 50era murriztu da joko eta apustu-etxeetan.
  • Dantzalekuak eta diskotekak itxita egongo dira.
  • Taberna eta jatetxeetan, edukiera % 75ekoa da barruan, eta terrazetan % 100ekoa. Mahai bakoitzean sei pertsona bildu daitezke gehienez, 1,5 metroko tartea bermatuz. 12: 00etatik aurrera beti mahaian eserita kontsumituko da.
  • Hotel eta ostatu turistikoetan zona komunetan edukiera % 75ekoa izanen da. Banako logelak dituzten aterpetxeetan, edukiera % 75ekoa da eta ohatzeak dituzten logeletan % 50ekoa.
  • Saltokietan, edukiera % 75ekoa izango da establezimenduaren solairu bakoitzean eta % 50ekoa zentro komertzialeko zona komunetan eta aisiarako zonetan. Azoka txikietan pertsonen arteko 1,5 metroko distantzia bermatuko da. 

OSPAKIZUNAK

  • Gurtzarako lekuetan ezin da edukieraren % 50 gainditu. Maskara behar da eta pertsonako 2,25 metro koadro bermatu beharko dira.
  • Ezkontzetan eta bestelako ospakizun erlijioso edo zibiletan ez da edukieraren% 50 gaindituko, eta pertsonako 2,25 metro koadro bermatu beharko dira. Ospakizunetan, zeremoniaren ondoren, ostalaritzako eta jatetxeetako establezimenduetan 1,5 metroko tartea errespetatuko da, gehienez 50 lagunentzako edukiera izango du barnealdean eta 75 lagunekoa kanpoaldean. Ezin izango da dantza pista erabili.
  • Beilatokietan, ezingo da gehienezko edukieraren % 50a gainditu, eta ehorzketaren segizioa 50 pertsonara mugatuko da.
  • Espazio publiko irekietan pertsonen taldeak ez dira sei baino handiagoak izango, bizikideen kasuan izan ezik. Maskara erabiliko da eta gutxienez 1,5 metroko tartea bermatuko da.
  • Debekatuta dago kalean edatea edo antzeko ekintzak egitea.

ZENTRO, KLUB ETA ELKARTEAK

  • Adinekoen klubetan edukiera % 50ekoa da. Aisialdirako jarduerak ez dira gomendatzen prebentzio neurriak edo edukieraren kontrola bete ezin dituzten zentroetan.
  • Peñak eta elkarte gastronomikoak itxita egongo dira, otordu zerbitzuko establezimendurik ez duten 500 biztanletik beherako udalerrietan izan ezik.
  • Desgaitasuna duten pertsonen zentroetan eta adinekoen egoitzetan, bisitak egoiliar bakoitzeko pertsona batera mugatu dira, egunean ordubete. Eguneko zentroak eta eguneko egonaldiko tokiek ezingo dute % 75eko edukiera gainditu.

IKASTETXEAK

  • Maskara nahitaezkoa da irakasleentzat eta ikasleentzat Lehen Hezkuntzako 1. mailatik aurrera. Haur Hezkuntzan, sartzean eta ateratzean, atsedenaldian eta komunetan soilik.
  • Ordutegi mailakatuak daude sartzeko eta irteteko, eta jantokian.
  • Atsedenaldian, ikastalde bakoitzak leku mugatua du jolasteko eta ez daude baimenduta baloi eta kontaktu jolasak. 

Ikasle batek koronabirusarekin bateragarriak diren sintomak baditu

  • Banakako erabilerako gela batera eramango dute, helburu honetarako prestatuta. 
  • PCR bidez positiboa baieztatzen bada
    • Haur eta Lehen Hezkuntzan, ikastalde osoa bakartuko da. 
    • Bigarren Hezkuntzan, positibo eman duen ikaslea eta hurbileko kontaktutzat jotzen direnak soilik.
Garrantzitsua: zure seme-alabak koronabirusarekin bateragarriak diren sintomak baditu, ez duzu eskolara eraman behar.

Informazio gehiago informazio liburuxkan eta ohiko galderen dokumentuan.

KULTUR JARDUERAK

  • Museo, erakusketa-areto, monumentu eta bestelako kultur ekipamenduetan, edukiera % 75ekoa izango da, eta jarduera gidatuak 25 pertsonara bitarteko taldeetan egin ahal izango dira.
  • Liburutegietan, edukiera % 75ekoa izango da eta % 50ekoa haurrentzako diren zonetan.
  • Espazio itxietako kultura-ekitaldietan ez da edukieraren % 60 gaindituko, aurrez esleitutako eserlekuekin.
  • Jarduera kulturalak eta aire libreko aisiako jarduerak egiteko, % 75eko edukiera errespetatuko da, gehienez ere 1.000 pertsonako mugarekin.

KIROL ETA AIRE ZABALEKO JARDUERAK

  • Kirol-jarduerak 25 pertsonara bitarteko taldeetan egin ahal izango dira. Gidatutako ekintzak gehienez 15 pertsoneko taldeak izango dituzte sala bakoitzeko. 
  • Aisialdirako igerilekuek ezingo dute edukieraren %50a gainditu. Kirolerako igerilekuetan muga 10 pertsona izango da. 
  • Dantzarako irakaskuntza eta praktika aretoetan pertsona bakoitzeko 5 metro karratuko edukiera ezarri dute. 1,5 m-ko tartea bermatu ezin bada, maskara nahitaezkoa izanen da. Ikasturtean ezin izanen dira ez taldea ez bikotea aldatu.
  • Haurrentzako parkeakkirolerako zonak eta skate pistak erabili daitezke, eta 4 metroko espazio bakoitzeko pertsona bat baimenduko da gehienez.
  • Haurrentzako eta gazteentzako denbora libreko jarduerak egin daitezke ohiko asistentziaren % 75arekin eta gehienez 250 parte-hartzailerekin.
  • Ezingo dira egin haur edo gazteentzako kanpaldi kolektiboak gau-igarotzeekin.

BESTE EGOERA BATZUK

  • Akademietan, autoeskoletan zein arautu gabeko irakaskuntzako ikastetxe pribatuetan edo prestakuntza-zentroetan ez da baimendutako gehieneko edukieraren% 50 gaindituko.
  • Garraio publikoetako eserleku guztiak okupatu ahal izango dira, erabiltzaileen artean tarte handia uzten ahaleginduaz. Maskara erabiltzea derrigorrezkoa da.
  • Debekatuta dago aire zabaleko tokietan erretzea, gutxienez 2 metroko tartea gorde ezin denean.

BILERAK EREMU PRIBATUAN

Bilera sozial edo familiarretan, gehienez, sei pertsona egotea gomendatzen da, bizikideen kasuan izan ezik.

Raya azul corta


Ir a inicio de página