Título Inicio

KORONABIRUSARI BURUZKO WEB OFIZIALA

Portada_MedidasPrevención_Vídeo

Prebentzio neurriei buruzko informazioa.

PREBENTZIORAKO NEURRIAK

Normalitate egoera berri honetan are garrantzitsuagoa da, ahal bada, COVID-19aren aurkako prebentzio-neurriekin jarraitzea, agerraldiak izan ez daitezen. 

Hiru dira oinarrizko neurriak: 

1) Bat-batean koronabirusarekin bateragarriak diren sintomak badituzu (sukarra, eztula, arnasa hartzeko zailtasuna, usaimenaren eta dastamenaren galera, beherakoa, giharretako mina, ez ohiko eztarriko eta buruko mina), geratu etxean eta deitu berehala zure osasun-zentrora. 

  • Zure osasun-zentroa itxita badago, deitu Osasun Aholkuaren zerbitzura, 948 290 290 telefonora. 
  • Premiazko arreta behar baduzu, deitu 112 telefono zenbakira.

2) Gorde 1,5 metroko distantzia fisikoa beste pertsonekin, eta erabili maskara.

3) Sarri garbitu eskuak minutu batez, ura eta xaboiarekin edo gel hidroalkoholikoarekin. 

Zaindu zaitez, zaindu gaitzazu, koronabirusak kutsatzea saihesteko Nafarroako Gobernuak egin duen kanpainaren leloetariko bat, normaltasun berrirako trantsizio egoeran. Hemen dituzu kanpainaren material grafikoak.

Recomendaciones para cuarentena por covid

Infografía con recomendaciones para la cuarentena por covid-19

COVID-19AREN ONDORIOZKO BERROGEIALDIRAKO GOMENDIOAK

Etxebizitzan berrogeialdia egiteko adierazi badizute, izan liteke gaixotasuna inkubatzen aria zarelako esan izana:

  • Koronabirusa duen pertsona baten kontaktu hurbila izan zarelako. Hau da, birusa duen norbaitengandik bi metrora baino gutxiagora egon zarelako, 15 minutu baino gehiago, prebentzio-neurririk gabe.
  • Edo COVID-19a duen pertsona batengandik gertu egon zarelako ibilbide luzeko garraiobide batean (hegazkina, trena, autobusa, autoa,  itsasontzia…).

Zer neurri bete behar dira?:

  • Etxean gelditu, ahal bada, bakarkako eta ongi aireztatutako logela batean.
  • Logelatik atera behar bada edo beste norbaitek bertan sartu behar badu, eutsi 2 metroko distantziari, erabili maskara eta eskuak garbitu.
  • Ez hartu bisitaririk.
  • Eskuak maiz garbitu behar dira, ura eta xaboia edo gel hidroalkoholikoa erabilita.
  • Ez hartu botika antitermikoak (parazetamola, ibuprofenoa...).
  • Tenperatura egunean bitan hartu eta idatzi.
  • Sintomak agertzea zaindu.
  • Ahal bada, eguneroko errutinei eutsi eta entretenitzen duten jarduerak egin.

 

Sukarra edukiz gero, eztula, arnasa hartzeko zailtasuna, usaimena edo dastamena galtzea, beste sintomarik edo zalantzarik, deitu osasun-etxera. Eta osasun-etxearen ordutegitik kanpo, 948 290 290 zenbakira.

Recomendaciones para el aislamiento por covid-19

COVID-19AREN ONDORIOZKO BAKARTZERAKO GOMENDIOAK

COVID-19A BADUZU:

  • Etxean gelditu, zuk zeuk baino erabiliko ez duzun logela batetik atera gabe. Logela ongi aireztatuta egongo da eta atea itxita izango du.
  • Ez hartu bisitaririk etxean.
  • Logelan, maskarak, gel hidroalkoholikoa, zaborretarako ontzia, termometroa eta sakelako telefonoa eduki.
  • Ahal izanez gero, bainugela zuk bakarrik erabili.
  • Logelatik atera behar baduzu edo beste norbaitek bertan sartu behar badu, eutsi 2 metroko distantziari, erabili maskara eta eskuak garbitu.
  • Eztul edo doministiku egitean, erabili paperezko mukizapiak, zakarrontzira bota eta eskuak garbitu.
  • Tenperatura egunean bitan hartu eta idatzi.

ZAINTZAILEA BAZARA:

  • Hobe da pertsona bakarra izatea, osasuntsu dagoena eta arrisku- talderen batekoa ez dena.
  • Bakartua dagoen logelan sartuz gero, eutsi 2 metroko distantziari, erabili maskara eta eskuak garbitu. Ahalik eta denbora gutxiena egon bertan.
  • Oheko arropa, eskuoihalak, baxera… erabilera esklusibokoak izango dira. Eskularruekin bildu eta, kendu eta gero, eskuak garbitu.
  • Baxera zuzenean ontzi-garbigailuan sartu edo ur beroarekin garbitu.
  • Arropa zikina garbigailura eraman zuzenean, astindu gabe, eta 60 gradutik gorako tenperaturan garbitu.
  • Egunero garbitu maiz ukitzen diren gainaldeak, adibidez, eskutokiak, etengailuak… Maiz aireztatu.
  • Logelako zabor-poltsa eskularruak jantzita itxi, etxeko zabor-poltsara bota, itxi eta gainerakoen edukiontzira bota
  • Bainugela garbitzeko ura eta lixiba erabili (2 tapoi lixiba, ur litro 1ean) edo desinfektatzaile biruzida bat. Bainugela denek erabiltzen badute, komun-ontzia, txorrotak eta ateko eskutokiak desinfektatu, bakartutako pertsonak erabiltzen dituen bakoitzean.
  • Bakartutako pertsona bakarrik bizi bada, behar duena etxebizitzako atera eraman.
Zalantzarik baduzu, sintomek okerrera egite badute edo etxean bizi den norbaitek sintomarik badu, deitu osasun-etxera eta osasun-etxearen ordutegitik kanpo, 948 290 290 zenbakira.

Mascarilla Obligatoria

Musukoaren erabilera mornalitate berrian.

MASKARAREN DERRIGORREZKO ERABILERA

Derrigorrezkoa da Nafarroan maskara erabiltzea. 12 urte baino gehiagokoek nahitaez erabili beharko dute uneoro, pertsonen artean 1,5 metroko segurtasun tartea bermatzen den ala ez kontuan hartu gabe. 

Derrigorrezkoa da 6 eta 12 urte bitartekoentzat distantzia mantendu ezin denean, eta gomendagarria 3 eta 5 urte bitartekoentzat. 

Hortaz, bide publikoan, aire zabalean eta publikoari zabaldutako eremu itxietan, une oro erabili behar da maskara, baita edozein garraiobideetan ere, salbu eta barruan doazen guztiak etxe berean bizi baldin badira. 

Salbuetsirik dago maskara erabiltzea honako kasu hauetan:

  • Arnasa hartzeko zailtasunen bat duten pertsonen kasuan, maskararen erabilerak larriagotu dezakeena. Kasu horietan, segurtasun-agenteek hala eskatzen badute, erantzukizunpeko adierazpen hori beteta eta sinatuta erakutsi beharko da.
  • 1,5 metroko distantzia mantentzea bermatzen denean: 
    • Lantokietan (ez dira salbuetsita geratuko publikoari irekitako eremuak).
    • Elikagaiak eta edariak kontsumitzen diren bitartean, edo maskara erabiltzearekin bateraezinak diren jardueretan.
    • Kirol jarduerak egiten diren bitartean.
    • Bainua hartzen den bitartean, igerilekuetan edo bainurako gaitutako beste toki batzuetan. 
    • Biziguneetatik kanpo egiten diren naturari loturiko jardueretan, hala nola mendi-ibiliak, eskalada, mendi-igoerak, txirrindularitza eta antzekoak.  
  • Ezinbesteko kasuetan. 

Gainera, maskara erabiltzea gomendatzen da pribatuak diren eremu ireki zein itxietan, segurtasun tartea bermatzeko aukera balego ere, familia unitate desberdinetako pertsonak elkartzen direnean. 

Informazio gehiagorako, maskararen derrigortasunaren inguruan eta beste prebentzio neurri bereziei buruzko zalantzak argitzeko dokumentua.

Portada_Fase Nueva Normalidad

Normalitate berriari buruzko informazioa

NAFARROA “NORMALTASUN BERRIAN”

Honakoak dira Nafarroan dagoen “normalitate berriko” etapako ezaugarri nagusiak:  

  • Mugikortasuna baimendu da autonomia guztiekin.
  • Garraio publikoetako eserleku guztiak okupatu ahal izango dira, erabiltzaileen artean tarte handia uzten ahaleginduaz. Maskara erabiltzea derrigorrezkoa da.
  • Taberna eta jatetxeetan, %75eko edukiera errespetatu beharko da barruan, eta terrazetan edukiera %100era zabaltzen da. Mahai bakoitzean 10 pertsona bildu daitezke gehienez, salbu etxe berekoak badira.
  • Diskoteketan, edukiera %75ekoa izango da. Dantzarako zonak ezingo dira ireki, baina bertan terrazak jar daitezke.  
  • Taberna, kafetegi, jatetxe, joku eta bingo areto, ziberzentro, dantzaleku eta jai aretoek 02:00ak aurretik itxi beharko dute.
  • Debekatuta dago kalean edatea edo antzeko ekintzak egitea 02:00etatik 06:00etara, eta eguneko beste ordutan gehienez ere 10 pertsona bildu daitezke, segurtasun neurriak mantentzen badira.
  • Hotel eta ostatu turistikoetan zona komunetan edukiera %75ekoa izanen da. Banako logelak dituzten aterpetxeetan, edukiera %75ekoa da eta ohatzeak dituzten logeletan %50ekoa.
  • Saltokietan, edukiera %75ekoa izango da establezimenduaren solairu bakoitzean eta %50ekoa zentro komertzialeko zona komunetan eta aisiarako zonetan. Azoka txikietan, baimendutako postuak %75era gehituko dira.
  • Beilatokietan, ezingo da gehienezko edukieraren %50a gainditu.
  • Ezkontzetan, edukiera %75ekoa izango da kultu-lekuetan edo bestelako espazioetan.
  • Kirol-jarduerak 25 pertsonara bitarteko taldeetan egin ahal izango dira.
  • Igerilekuetan eta kirol-zentroetan, ezingo da edukieraren %75a gainditu.
  • Haurrentzako parkeak, kirolerako zonak eta skate pistak erabili daitezke, eta 4 metroko espazio bakoitzeko pertsona bat baimenduko da gehienez.
  • Iturri publikoak irekita daude.
  • Erretiratuen klubak  edukieraren %75a dute, eta tailerrak edo hitzaldiak bezalako taldeko jarduerak dituzte.
  • Peñek eta elkarte gastronomikoek %75eko edukiera izanen dute, 25 pertsonatik beherako taldeekin. Itxita egon beharko dute 02:00etatik 06:00etara. Etxabeak eta piperoak ezingo dira ireki.
  • Desgaitasuna duten pertsonen zentroetan eta adinekoen egoitzetan, bisitak eta irteerak egin ahal izango dira baldintza batzuekin. Eguneko zentroak eta eguneko egonaldiko tokiek ezingo dute %75eko edukiera gainditu.
  • Museo, erakusketa-areto, monumentu eta bestelako kultur ekipamenduetan, edukiera %75ekoa izango da, eta jarduera gidatuak 25 pertsonara bitarteko taldeetan egin ahal izango dira.
  • Liburutegietan, edukiera %75ekoa izango da eta %50ekoa haurrentzako diren zonetan.
  • Auditorio, zinema, antzoki, zezen-plaza, karpadun -zirko eta biltzar eta bilera profesionaletan, edukiera %75ekoa izango da, aurrez esleitutako eserlekuekin.
  • Jarduera kulturalak eta aire libreko aisiako jarduerak egiteko, %75eko edukiera errespetatuko da, gehienez ere 1.000 pertsonako mugarekin.
  • Haurrentzako eta gazteentzako denbora libreko jarduerak egin daitezke ohiko asistentziaren %75arekin eta gehienez 250 parte-hartzailerekin.
  • Ezingo dira egin haur edo gazteentzako kanpaldi kolektiboak gau-igarotzeekin.

Gehiago jakiteko:

 

Raya azul larga

espacio

 

 

Portada_Tarjetas_Final Página

JARRAIPENA

DATUAK

ALBISTEAK

NAFARROA SUSPERTU