Txertaketa

COVIDaren aurkako txertaketari buruzko informazioa Nafarroan. 

Bigarren errefortzu-dosia 60 urtetik gorakoentzat edo arrisku handiko gaixotasunak dituztenentzat

Urriaren 10ean hasiko da 60 urtetik gorako pertsonen eta arrisku handiko gaixotasunak dituztenen 4. dosiaren txertaketa (errefortzuko 2. dosia), eta gripearen txertoarekin batera jasoko da.

Egun batzuk lehenago, irailaren 26tik aurrera, egoitzetan ospitaleratutako pertsonen txertaketa-kanpainari ekingo zaio, baita 60 urtetik gorako gainerako xede-biztanleriari SMS mezuak bidaltzeari ere, adin handieneko taldeei lehentasuna emanez (80 urtetik gorakoei), haien zitazioa kudeatu ahal izan dezaten. Arrisku handiko gaixotasunak dituzten pertsonak zuzenean jarriko ditu harremanetan Osasun Departamentuak, hitzordua esleitzeko.

Bigarren oroitzapen-dosi honetan COVID-19aren aurka erabiliko diren txertoek orain arte erabili izan direnak baino babes zabalagoa eskaintzen dute; izan ere, balio anitzeko txertoak dira, eraginkorrak koronabirusaren gaixotasunaren aldaera klasikoaren aurrean, bai eta Omicronen eta haren azpi-aldaera nagusien aurrean ere.

TXERTAKETARAKO HITZORDUAK
Txertaketa-kanpainako SMSak irailaren 26tik aurrera hasiko dira jasotzen, adin-tarteen arabera. Hobe da SMSa jaso arte itxarotea norberaren konturako hitzordua eskatu baino lehen. Jaso ezean, hitzordua online eskatzea gomendatzen da, citasalud.navarra.es helbidearen bidez. Bide hau ezin bada erabili, egin daiteke:

  • Posta elektronikoaren bidez: citas.vacunacion@navarra.es.
  • Telefonoz:
    Iruñeko eremua: 948 370 130.
    Tuterako eremua: 948 370 140.
    Lizarrako eremua: 948 370 135.

Zure osasun-zentroan hitzordua eskatuta.

Bost urtetik gorako haurren txertaketa

5 eta 11 urte bitarteko haurren txertaketarako hitzorduak, joan den abenduan hasitakoak, aurrera doaz.

  • Gaixotasuna izan ez duten pertsonengan bi dosien arteko tartea 8 astekoa da.
  • Infekzioa izanez gero, txerto-dosi bakarra jasoko da, infekzioa diagnostikatu eta 8 astera. 
  • Lehenengo dosia jaso ondoren infekzioa diagnostikatzen bada, bigarren dosia diagnostikoa egin eta 8 astera inokulatuko da, beti ere lehenengo dosiarekiko 8 asteko tartea utzita.

Hitzorduak honela eska daitezke: 

Haurra gurasoetako batekin edo tutorearekin badoa, nahikoa izango da haien nortasuna egiaztatzea; beste pertsona batekin badoa, aitak, amak edo legezko tutoreak sinatutako baimena beharko da.

Duela gutxi koronabirusaren infekzioa izan duten pertsonen txertaketa 

Pertsona helduek (18 urte eta gorakoek) COVID-19-aren infekzioa izan badute, asintomatikoak izan ala ez, txertatze-jarraibide osoa jaso ondoren, errefortzu-dosia 5 hilabeteko tartearekin hartzea gomendatzen da, infekzioa diagnostikatu ondoren. Behar izanez gero, infekzioa gertatu eta lau astetik aurrera jaso ahal izango da, Osasun Ministerioaren jarraibideen arabera. 65 urte edo gutxiago badituzu

65 urte edo gutxiago badituzu 

  • Eta ez duzu aurreko dosirik hartu: txertoa hartzeko lau aste itxaron behar dira sintomak hasi edo infekzio-diagnostikoa jaso direnetik, beti ere alta epidemiologikoa jaso bada. Dosi bakarra ematen da.
     
  • Eta dagoeneko dosi bat jaso baduzu: bigarren dosia jasotzeko lau aste itxaron behar dira sintomak hasi edo infekzio-diagnostikoa jaso direnetik, eta gomendatutako dosien arteko tartea bermatu behar da, beti ere alta epidemiologikoa jaso bada. 
Bi kasuetan, osasun eta arlo soziosanitarioko profesionalen kasuan, itxaronaldi hori ere lau astekoa izanen da. 

65 urte baino gehiago badituzu: 

  • Eta ez duzu aurreko dosirik hartu: bi dosiko jarraibidea jasoko duzu erabat sendatuta zaudenean, isolamendua amaitu eta alta epidemiologikoa jaso duzunean. 
     

  • Eta dagoeneko dosi bat jaso baduzu: jarraibidea bigarren dosi batekin osatuko da, erabat indarberrituta zaudenean eta isolamendua amaitu duzunean, beti ere gomendatutako dosien arteko tartea (4 aste) bermatzen denean.

COVIDaren aurkako txertoa lehen aldiz hartzeko baldintzak

✔ Identifikazio-agiri bat eta/edo osasun-txartela eramatea.

 

✔ Hitzordua eskatu behar buzu. Honela egin dezakezu:

 

web ikonoa citasalud.navarra.es bitartez. Osasun-karpetan alta eman ez baduzu, CIPNA sartu eta zure jaioteguna gehitu ahal izango duzu.

 Posta elektronikoaren ikonoa citas.vacunacion@navarra.es e-postara idatziz.

telefono ikonoa   Edo honako telefonoetara deituz, tokiaren arabera: 

  • Iruñeko Eremua: 948 370 130
  • Lizarrako Eremua: 948 370 135
  • Tuterako Eremua: 948 370 140

Txertaketari buruzko zalantzak argituko dizkizugu

Txertaketaren inguruan sortzen diren zalantzak argitzeko, Osasun Departamentuak informazio zerbitzu bat jarri du abian: e-postaz: txertaketa@navarra.es